情歸舊愛可以嗎？－timemini0509的部落格

愛情，離離合合，有幾多真係可以同初戀拍拖然後開花結果？情路難行，好多時跌跌撞撞之後，突然發現，好似都係佢好。舒淇同馮德倫自1997年拍戲傳出緋聞，繼而廿幾年嚟，雙方有自己嘅伴侣，但又經常盛傳喺埋一齊，總之廿多年來佢哋無承認過一齊。近日舒淇喺IG貼出興馮德倫頭貼頭合照，算係廿多年來首次，雖然並無講及係約會，不過唔少粉絲都當正佢哋正式公開關係。兩個人走過咁多轉折，最終是否「還是覺得你最好呢？」其實觀乎近幾年，例如莫文蔚，最後嫁的仍然係初戀男朋友，原來走咗咁遠、走咗咁耐，始終會喺同一條路上重新遇上，最後修成正果。

共同回憶

你同佢擁有好多共同嘅苦與樂，好多不同時期嘅回憶，彼此對對方嘅價值觀、性格都已經有一定程度嘅磨合，好多時拍拖到一定年期就會有心領神會，無聲仿有聲嘅感覺，你哋兩人一直都有喇。

相信命運

咁多年嚟，最後都係同佢一齊，係命運；咁多年嚟，大家經歷各自嘅戀愛、分手，但仍然最後喺埋一齊，係緣份，相信自己，相信直覺，相信佢就喺個天指畀你嘅最終歸宿吧。

重新了解

多年之後一齊返，雖然話彼此已知大家性格，不過都要請你有定心理準備，對方未必再係當初嗰個人，經歷多年，人都會轉變，可能20年前佢仲係乖乖嘅陽光大男孩，去到今日已經係抑鬱小生，咪一廂情願會有相同效果。

閒言閒語

如果你哋決心走返埋一齊，可能彼此都要準備承受外間嘅閒話，仲有當年如果雙方不歡而散，散咗之後，朋友實會有同你講佢嘅壞話，叫你放低（又或者調轉係你同朋友講），總之當年積落嘅恩恩怨怨，又重新被翻出嚟。