timemini0509的部落格

呢 排娛圈特別亂，先有林作疑似背十優港姐麥明詩約女，今日裕美係FB畀睇唔過眼嘅教友朋友爆佢背夫偷食扮慘，更慘嘅係伍詠薇老公都疑似車廂偷食。如果話偷食 係人嘅天性，無分男女，咁偷食唔認直頭係常態！唔係叫你日日神經質Check到緊，只係偷食一定有樣睇嘅，以下幾點，中5樣以上就要小心同提高戒備啦！

1. 機不離身，沖涼或大解時間都要拎埋入去，而且去勁耐。
2. 手機熒幕永遠向下，成日更改手機密碼，唔願話你知，當你拎起佢電話，即時大為緊張。
3. Condom 「跟身」，成日都話旅行時喺酒店到拎，或者有人周街派。
4. 收埋所有信用卡月結單，怕你發現來歷不明的簽賬，如開房或化妝品費用。
5. 突然成日主動打畀你，睇下你去咗邊，但當你要搵佢時，又miss call。
6. 性呢樣野唔使講，出面食飽咗，返到嚟一定係冷淡，甚至「零房事」。
7. 拒絕喺社交網絡公開二人的情侶關係，而且唔畀你tag佢，費事比小三睇到唔開心。
8. 大時大節前後或星期六日成日要開工，有時無啦啦仲話要出差。
9. 以前明明好夜瞓，但呢期成日都話要早瞓，快快收線。
10. 社交平台上，成日寫埋啲你唔明嘅感性句子，又明顯唔係同你講。